NH6 SELING TO ZOKHAWTHAR KAWNG TLUANG TAKA THAWH ZEL A NI

Get real time updates directly on you device, subscribe now.

Lengteng Bialtu MLA L.Thangmawia chuan Kawlkulh tlawhin, National Highway No 6 laih hna kal mek tluang taka thawh tir turin a ngen.
Thawhlehni khan Human Resources Development Board Vice-Chairman L.Thangmawia, MLA chuan a bial chhunga mi Kawlkulh khua tlawhin Wing Cmrd J.Lalhmingliana, Principal Consultant, Aviation nen Kawlkulh khuaa Helipad hmun tur an tlawh nghal a. A rang thei ang bera Helipad siam puitlin dan tur a hmunah hian en in, sawrkar laipuiin Helipad siamna tur an rawn pek turah Kawlkulh a Helipad siamna tur chu thawn tel a ni dawn a ni.
He mi hnu hian Kawlkulh atanga NH 6 kalpawhna tur kawngpui laih dan tur chu Er K.Lalsawmvela, Adviser to CM leh EE PWD, Khawzawl, SDO PWD Kawlkulh te nen an en ho leh a. L.Thangmawia chuan Kawlkulh leh Dulte khuate National Highway No 6 in a tlawh lo tur chu rilru taka a tawrhpui thu sawiin, Chief Minister Zoramthanga pawhin theihtawp a chhuah a; mahse, Highway hi sawrkar laipui thuneihna a nih avangin kan duh dan angin thil a kal ta lo a ni, a ti a. Chief Minister pawh Kawlkulh khawtlang tan a inhawng hle a, Mizoram sawrkar tih theih chinah chuan thil min tih sak zel a, tuna ruahmanna awm mek te hi tihhlawhtlin thuai a nih theih nan Kawlkulh khuain lungawilohna lantir nana hnathawktute an hreknate bansan a, hmasawnna hnathawh tluang taka a kal theih nan a puitling taka awm turin a ngen bawk.
L.Thangmawia chuan Kawlkulhah Futsal Ground siam thuai a nih tur thu sawiin, Kawlkulh khawtlangin Futsal
Ground atana hmunhma an ruahman a tlawh nghal bawk a, MLA hi Kawlkulh khawtlan hruaitu ten an tawiawm a ni.
HRD Board Vice Chairman L.Thangmawia hian nimin khan NABARD sum Cheng Nuai 75 senga sak Dulte High School (Adhoc aided) chu a hawng a. Sikul panna kawng zim tak, a ngenna ngai pawimawha
NHIDCL hnuaia kawng lai mektu APPL Company in zau tha taka an laihsak te, Dulte field an laihsak leh Kawlkulh damdawi ina dah tur X-Ray khawl changkang tak, Cheng Nuai 10 chuang man CSR atanga an leisak avangin APPL chungah lawmthu a sawi a. X-Ray khawl hi hun rei lo te ah hman theih a beisei thu a sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More