NHM STAFF TE NAWRH AVANGIN DOCTOR 2 CHAMPHAI-AH

Get real time updates directly on you device, subscribe now.

NHM Staff te nawrh chhung atan Mizoram Sorkarin Champhaiah Hmeichhe Doctor leh hnimhlum doctor a dah.
Champhai District Hospital-a Hmeichhe lam doctor leh hnimhlum doctor te chu National Health Mission hnuaia rawih an ni a. National Health Mission Contractual Staff, NHM Employee Union Mizoram (NEUM) chuan sorkar laka an lungawi lohna lantira ni 3 chhung Mass Casual leave an lak avangin, Champhai District Hospital-ah rikrum thilah pawh damlo zai ngai leh Nau nei tur zai ngai an awmin zai theih an ni lo va. Mizoram sorkar chuan NHM hnuaia thawkte an nawrh chhunga awm turin Hmeichhe lam doctor leh hnimhlum doctor pakhat ve ve Champhai District Hospital-ah dahin an hna hi an rawn zawm tawh a ni.
Zawhna chhangin Dr Zatluanga, DMS chuan NHM hnuaia thawk te’n chawlh la vek mah se, Champhhai District Hospital-ah harsatna lian tak a la thleng lo tih a sawi. Hetih lai hian NHM hnuaia thawk te’n sorkara an thil nawrte a hlawhtlin ngiata Mass casual leave-a lungawi lohna an lantir hnuah niminpiah khan Dy Cheif Minister Tawnluia hovin inbiakna neih a ni a, he meeting-ah hian NHM staff te chuan an lungawina khawp an hmuh loh avangin NEUM Executive Committee thukhawm chuan Indefinite strike neih chhunzawm ni se, tiin an rel a. An kal zel dan tur relin District tina an hruaitute chu Aizawlah an thukhawm dawn niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More