ππππ π£πππ π§π₯π¨ππ‘ππ§ ππππͺπ π πππ’π₯ππ ππ’ππ¨π§ π§ππͺπ :
Mizoram district hrang hranga hman tur Covid-19 hri kai enfiahna TrueNAT Micro RT-PRC chuan Mizoram rawn thleng tawhin, tunkar hian Doctor leh thawktute training pek an ni ang a, hemi hnu hian khawl hi hman theih a ni ang.
Nimin khan Health & Family Welfare Board Vice Chairman, Champhai North bialtu MLA Dr ZR Thiamsanga
chuan Champhai MJA Press Club-ah press mite kawmin he thu hi a sawi a. Vawiin atanga tunkar Ningani thleng khian district hrang hranga Truenat
Micro RT-PRC viltu tur Doctor leh thawktute training pek an ni dawn a. Tunkar Ningani khian Champhai, Khawzawl leh Saitual district-a thawktute pualin training hi neih a ni ang a; training pe tur hi Champhai-ah rawn kalin zirtirna hi a pe dawn tih a sawi a. Training pek an nih hnuah
heng khawl hmang hian district tinah endikna kalpui a ni tawh dawn a, he khawl hian ni khatah sample 40 atanga 60 bawr vel a endik thei a, screening kit 300 leh confirmation kit 300 a chhawm a, a endikna senso hi Rs. 3000 vel tura ngaih a ni, a ti.
Dr ZR Thiamsanga chuan Covid 19 hripui chuan mipui a hnaih zel a, local spread pawh awm tawhin damdawi lama thawk Health worker 4, Doctor pahnih, Driver leh nurse pakhat ten hri an kai tih hmuh chhuah a ni tawh a, mipuia inkaidarhna community spread erawh chu a la awm lo thung tih a sawi a.
Sample lakkhawmtute chu inkaidarhna thleng palh theih a nih avangin khunghran bakah a hranpaa an awmna siamsak tura hmalak a nih thu sawiin, Mizoram luhka ber Vairengte kaltlanga rawn lutte endikna pawh tihchangtlun a nih tur
thu a sawi.
Dr ZR Thiamsanga chuan hri laka a invenna tak tak a la awm lo va, a damdawi pawh nakkum kum laihawlah hman theih chauh a beiseiawm a, chuvangin hmai tuamna vuah chu invenna tha ber nia sawiin, hmaituam hian hri kai theihna remchang chu zaa 90 velin a tihniam thei a. Hmai tuamna hman uar a tul thu leh, puipunnaah pawh midang hnaih thei lo ang bera awm chu tihmakmawh nia a hriat thu a sawi a. Mizoramah hrikai enkawlna tur Covid Care Centre a tam tawk lo va, a nei
tam ber ZMC in mi 160 vel a enkawl theih chauh avangin mipuia hri a darh lohna tura inven fimkhur a tul tih a tarlang tel bawk.
ππ’π©ππ-19 π©ππ π π 2 ππ‘πππͺπ π ππ :
Chawlhni-a Mizoram sawrkar hotute thukhawmin National Highway leh thildang chungchanga an thurel bawhzuina atan Champhai District inkhaihhruaina bik thenkhat a hnuaia mi ang hian siam belh a nih thu Bawrhsap Maria CT Zuali chuan nimin khan a chhuah.
1. RAT (Antigen) Test : A hnuaia tarlante hi Rapid Antigen Test (RAT) neih vek tur a ni.
a) Wholesale dawr neitu te
b) Mutia
c) August ni 1 atanga ni 10 inkara Sairang leh Sihphir pela kal Dirver zawng zawng
d) Essential commodities ni 10.8.2020 atanga phurluttu Driver, Vairengte a test paltlang lo te
2. Lockdown kaihhruaina No.13021/101/2020-DMR/Pt-III dated 31.07.2020 Clause B Sub-Clause (5) in a tarlan, Phai atanga bungrua rawn thiar lut Driver leh Handyman te chu
khaw dai remchangah rawng inbawlin khaw chhungah midang nen intlawhpawh lovin bungrua an unload zawh veleh an let leh nghal tur a ni a. Bungrua an unload chhung hian midangte nen metre 2 tala hlaah an awm tur a ni a tih angin, hemi chungchang endik leh enpui hna hi V/C inthlan a nih dawn avangin YMA Sub-Hqrs Champhai kutah hlan rih a ni ang.
3. Entry of Vehicles (Unloading):
Champhaia bungraw lo lutte zan lamah 6:00 PM atangin zankhuain an hlang thla thei ang a, zana hlang thla lo tan zing dar 6:00 atanga dar 8:00 thleng bungraw hlan thlak phalsak an ni ang.
Tarlan tawh angin Chawlhni khan District Level Task Force on Covid-19 hmalaknain Khankawn leh Zotlang inkar World Bank Road a Truck Driver leh Handyman te Covid-19 hri an kai leh kai loh endikna Rapid Antigen Test tihsak an ni a. An vaiin an result a negative vek a ni.
ππ’π©ππ-19 π©ππ π π 2 ππ‘πππͺπ π ππ :
Niminpiah khan Rapid Antigent Test hmangin Champhaiah Covid 19 kai 1
hmuhchhuah a ni.
Dr. Samuel Laldinthara, MO, IDPS sawi danin Champhai District Hospital-a Rapid Antigen Test hmangin niminpiah khan Sample 9 endik niin Covid 19 kai mi pakhat hmuchhuah belh a ni a, Covid 19 kai hmuhchhuah hi Hmeichhia Kum 40 mi, Manipur atanga August ni 6 a Champhai rawn thleng Quarantine Centre-a khunghran lai a ni a. Niminpiah khan sample lak niin Covid 19 a kai tih hmuhchhuah a ni a, Covid 19 kai te enkawlna tur bika duan Dedicated Covid Health Centre-ah dah luh nghal a ni.
Heti hian Champhai District Hospital-a Rapid Antigen Test hmangin Sample 97 endik tawh niin, mi 3 Positive hmuchhuah an ni tawh a. ZMC Laboratory-ah sample 1456 thawn thlak tawh a ni bawk a, Champhai District chhunga Sample 1553 endik zinga mi 15 te’n Covid 19 kai tawhin mi 12 te enkawl dam tawh an ni a; tunah hian Dedicated Covid Health Centre-ah mi 2 enkawl mek an ni.
Chanchin buatsaih lai thlenga Champhai District chhunga Quarantine Centre-a khunghran mekte chu an sample laksak zawh tawh an ni a, Result Negative te hian
ni 14 chhung khunghran an nih hnuah Quarantine Centre an chhuahsan dawn a ni.Β
π¦ππ¦ππ ππππͺ ππ¨ ππππ π ππ‘ :
Nizan hmasa khan Sesih khaw lu kham a min a, a bul hnai a chenna in awm te chuan insawn chhuak.
Thudawnna sawi danin nizan hmasa dar 11:30 vel khan Sesih khaw lu a kham chu minin lung lian tak tak te a tlak tel avangin mihring tan a hlauhawm hle a. A min tih hriat a nih veleh a bul hnaia chhungkaw pasarih te chu an chenna inah hian riak ngam lovin an tlan chhuak a. VC leh YMA te chuan mahni in a riak zui ngam lo te hi Relief Camp an buatsaih chu kawhhmuh in he hmunah hian an riak a, a then erawhchu anmahni chhungte Inah an insaseng ve bawk.
Sesih khaw lu a kham hi lirnghing nasat deuh lai atang tawh khan a lo che tawh thin a, lung tla pawh hmuh tur a awm fo niin thudawnna chuan a sawi a.
Nimin khan Sesih VC leh YMA te chuan a hmunah kalin lei tawlh dan te an enfiah a, lir a nghing leh emaw ruah a sur tam leh deuh emaw a nih chuan kham hi min leh mai thei dinhmunah a ding niin an sawi a; thuneitute chu helai hmun hi zirchian sak vat tura an duh thu an sawi.Β
πππ‘ πππͺππππππ π£π¨π‘π :
Champhai Police-te chuan ni 2 chhungin inkharkhipna dan bawhchhia mi 55 an man. Champhai Police Flying Squad-te chuan Inrinni khan Inkharkhipna dan bawhchhia mi 9 manin Vantlang hmuna hmai tuam lo vek an ni a, Nimin Pathianni
khan Vantlang hmuna hmai tuam lo
mi 42 an man a, Champhai Police Duty-ten vantlang hmuna hmai tuam lo mi 4 an man bawk a, heng dan bawhchhiate te hi Rs. 100 theuh chawi tir an ni a. Ni 2 chhunga Champhai Police ten Inkharkhipnna dan bawhchhia an mante pawisa chawi tlingkhawm hi Rs. 5500 a ni.
ππππ π£ππ’π‘ πππͺπ π‘ππ‘ :
Champhai Official Liverpool Supporters Club te chuan English Premier League 2019-2020 a Liverpool chu Season Champion an nih lawmna kal zelah Chawlhni khan TNT, MZ Home leh Genesaret Gospel Home ah te tanpuina an hlan a, Chawlhni hmasa khan District Jail-ah chawhmeh an lo hlan tawh bawk.
πππ₯π§ππ₯π‘π π£π :
East Tuipui Maxi Cab Owner & Drivers Association te chuan Chawlhni khan Dungtlang Community Hall-ah State Disaster Response Force te nen tangkawpin lirthei chetsual thulha chΓͺt lak dan tur, chhanchhuah hna thawh dan tur leh hliam tuarte sawngbawl dan tur an zir a. He hun hmanpuitu Dungtlang Police OC C. Lalsangliana chuan Driver te chu Mizo tlawmngaihna vawng nung a, mipui rawngbawl an nih hre reng chunga mipui harsatna sukiang tura inpekna thinlung an neih a pawimawh thu sawiin, lirthei chetsual thulhah pawh passenger-te thlamuanpui tura hmangchang hria nih tum turin a chah a ni.
ππ πππ§πππ π£π¨π :
Nimin khan Khawzawl Hermon veng branch YMA chuan hnatlangin an veng chhung hmeithai pakhat hlo an thlawh sak. Khawzawl Hermon venga cheng Pi Nemngaihmawii chu damlohna avangin hna a thawk thei lo va, ama chenna kawmthlang maiah buh hmun a siam a chu nimin khan Hermon veng branch YMA chuan hnatlangin an thlawh fai sak a ni. Pi Nemngaihmawii hi Hermon veng VLTF pawhin ei tur an lo pe tawh thin a, amah tanpui tur hian hma an la chho mek bawk niin thu dawn a ni. Nimin hnatlangah hian Hermon veng YMA member eng emaw zat an thawk chhuak a ni.
Comments are closed.