Ni 2 chhungin Champhai District chhungah African Swine Fever vangin Vawk 71 a thih belh leh.
ASF leng thar leh hian Champhai District chhunga khua leh veng 20 a luh chilh tawh a. Niminpiah khan Vawk 32 thiin, Vawk 32 bawk suat leh a ni a. Niminah Vawk 39 thih belh lehin, Vawk 77 suat leh a ni bawk. Vawk pul hri tuarna ber Farkawnah Vawk 20 thih belh lehin ASF vang hian Vawk 187 thi tawhin Vawk 107 suat a ni tawh a.
Farkawn bakah hian Zotlang ah Vawk 115 an thi tawh a, Ruantlang ah 91, Bethelah 89, Vengtharah 73, Electric Vengah 72, Dilkawnah 46, Dintharah 45, Hmunhmelthaah 40, Zion Vengah 35, New Champhai ah 18, Vengsangah 16, Kelkang ah 15, Buang ah 12, Melbukah 5, Kanan ah 4 leh Venglai, Zote leh Vengthlang North ah 2 theuh an thi tawh bawk. AH&Vety Dept Champhai chhinchhiah danin ASF hri leng thar leh avang hian Champhai District chhungah Vawk 869 a thi tawh a, Nikum lama thi nen Vawk 1,417 a thi tawh a ni.
Comments are closed.