Sawrkar phal aia tam Inneihnaah phunkhawm avangin pawisa chawi tir :
Sorkarin Covid 19 laka mipui an himna tura zawm tur a chhuah, Mitthi Vuina leh Inneihna-ah mi 35 aia tam punkhawm a khap dan bawhchhe lakah pawisa chawi tir a ni.
Tun thla ni 12-a Assembly of God, Champhai Bethel veng Biak in-a innei te lakah Champhai DC chuan pawisa
Cheng 1000/- chawi turin Inrinni khan thupek a chhuah a, an pawisa chawi hi DC Office-ah November ni 23 ral hmaa thehlut turin a hriattir a.
Thu dawn danin, innei turte hi Aizawl-ah inneih hma ni 9 khan an kal a, ni 10 ah Sanpiau dawrah an chawl a, an chawlhna a mi hi Covid
19 hri kai a ni tih hmuhchhuah a nih tak avangin hnuchhui zui a ni a, an nupaa hri an lo kai avangin inneihnaa kal mi 175 te sample enfiah a ni a, an zinga 7 chuan hri an kai a.
Sawrkar thuchhuah tarlan danin Kar kalta Zirtawpni-a ZMC RT-PCR laboratory-a COVID-19 hri kai 42 hmuhchhuah zinga mi 7, Thuampui venga mite chu Champhai-a inneihna a kal an ni tih a tarlang bawk.
Inneih zunzam atangin hri kai mi 7 hmuh belh :
Nimin khan Champhai district-ah Covid-19 hri kai leh kai lo enfiah chhunzawm leh a ni a. Zokhawthar-ah hri kai mi 7 hmuh chhuah an ni.
Bethel venga inneihna atanga Covid-19 hri inkaidarh chu chhui zui mek zel a la ni a. He inneihnaa kal Aizawl khua 3 leh Bethel veng 1 chu ni 14 khan Zokhawthar-ah an kal tih hriat chhuah niin, Zokhawthar VLTF-te chuan hma an la zui nghal a. Hetihlai hian heng Zokhawthar-a kal
Aizawl khua-te hi Aizawl an thlen hnuah hri an kai tih hriat chhuah a ni leh a. Hetiang a nih avang hian Zokhawthar VLTF chuan niminpiah khan an khaw chhungah inkharkhip puangin, khaw dang atang pawhin loh theih lohah lo chuan an khuaa kal lo turin hriattirna an lo chhuah tawh a. Nimin khan Zokhawthar-ah hian hri kai leh kai lo enfiah niin, mi 41 sample enfiah a ni a. Heta tang. hian mi 7, mipa 4 leh hmeichhe 3-in hri an kai tihhmuhchhuah a ni ta a ni.
Hri kai hmuhchhuahte hi mipa kum 73-a upa; mipa. kum 34-a upa leh a nupui kum. 26 bakah an fapa kum 9 mi; hmeichhia kum 39-a upa, kum 54-a upa leh kum 24-a upa te an ni a. Zokhawthar VLTF chuan nimin khan thuchhuah siamin, fimkhur thu-ah
nimina sample enfiaha hri kailo te pawh hi ni 7 chhung mahni ina inkhung hrih turin. an hriattir a. Hnuchhui hi la kalpui mek a nih avang leh hnuchhui a awlsam zawk nan mipui lam pawh mahni ina tawm rih turin an ngen bawk.
Hetihlai hian Bethel veng, veng dang leh khaw dang atanga he inneihnaa kalte chu chhui zui zel niin, nimin khan hri kai leh kai lo enfiah leh a ni a. Nimina enfiah zingah hian hri kai hmuh chhuah an awm tawh lo thung a ni.
Nimin khan Champhai District-ah TrueNAT khawl hmangin sample 18 enfiah niin, RAgT hmangin mi 207 sample enfiah a ni bawk a.
Nimina hri kai hmuh chhuah tharte nen hian Champhai district-ah hri kai mi 79 an awm tawh a. Hri kai enkawl dam hi mi 63 awm tawhin, hri kai
enkawl lai mi 16 an awm mek a. Champhai district-a sorkar khunghranna hmunah mi 36, ina inkhung hrang 84 an awm mek a. Mipa 120, hmeichhia 9 khung hran niin, hri kai enkawl mek mi 16 nen an vaiin 136 khung hran mek an ni.
Dan bawhchhia 587 tling ta :
Champhai a Covid-19 No Tolerance Drive kalpui mekah nimin khan Flying Squad team ten dan bawhchhia mi 2 leh Covid-19 Executive Duty ten 1 an man a. Heti. hian Champhai ah Covid-19 No. Tolerance Drive dan bawhchhia hi. mi 587 man an ni tawh a, an pawisa chawi hi a vaiin Rs. 75,900 a ni.
MRB-a thawk nuar:
Mizoram Rural Bank chu nimin chawhnu Dar 1:30 atang khan tiamchin awm loin an an nuar a. An
nawrhna chhan hi – Mizoram Rural Bank-a hnathawktu an lakte chuan Mizo tawng an thiam ngei tur a ni tih a nih lai a, Mizo tawng thiam lo hnathawktu lakna ‘Confirm Letter’ Head Office-in an tih chhuah chu an duh loh vang niin an sawi a. Bank dawr tumte tan dawr theih an ni rih lo tih mipui te an hriattir nghal bawk.
Sawma pakhat chhung :
Champhai Tlangsam venga Pathian Kohhran te chuan kumina an buh thar chhuah atanga sawma pakhat an chhung khawm.
Kum kalta lamah, Sawma pakhat buh chhunkhawm hi Pathian Kohhrante hian ropui takin an hmang thin a. Kuminah erawh Covid 19 hri leng vanga Kohhran mipui punkhawm a remchan loh avangin, a hrana hun hmang lovin an buh tharchhuahte hi an chhungkhawm thung a. Heng an
buh chhun khawm atang hian, an Kohhran chhungkuaa khawsak harsa deuh leh chhawmdawl ngaite hnenah buh an pechhuak leh thin a. Kumin hian sawma pakhat, buh tin 1270 an chhungkhawm a ni.
Comments are closed.