Ni 27.11.2020 (Zirtawpni) Champhai :
Law & Judicial Minister TJ Lalnuntluanga, Champhai South bialtu MLA chuan nimin khan a bial chhunga inkalpawhna kawngpui siam mekte
a enfiah a. Minister hi Er. H.Lalzirliana, MLA & Vice Chairman, Road & Infrastructure Development Board chuan a tawiawm a ni.
Law & Judicial Minister hian MLA Fund Rs. 26,10,000/- hmanga chei that Kelkang leh Dilkawn inkalpawhna kawng, Kilometre 2 a thui, a zau zawng metre 8.5 bawr vel leh metre 8 vel, white topping tih tura ruahman chu line department hotute leh khawtlang hruaitute nen a hmunah kalin an enfiah a. TJ Lalnuntluanga chuan khaw kar kawng inkalpawhna tha tak a awm theihna tura khawtlang hruaitute leh ram neitu te’n rilru zau tak pu chunga hmalakna an tawiawm avangin an chungah lawmthu a sawi a.
Khawtlang tangruala kawng tha tak siam a ni chuan thawh hona tha tak a awm zia a lantir a ni tiin, Kelkang leh Dilkawn khawtlang chungah MLA
Fund hmanga kawng laih beisei let nei miah lova an tawiawm avangin lawmthu a sawi a. Kawng laih zauh mai bakah cheibawl zelna turah BADP leh kawng enkawltu PWD atang pawhin theihtawp chhuah zel tum a ni, a ti bawk.
Er. H.Lalzirliana, MLA & Vice Chairman, Road & Infrastructure Development Board chuan khaw kar kawng tha tak nei tura khawtlang
mipui inpekna fakin, Sawrkar kutah chauh innghat lo va, mahni theihna chinah theuh tanlak a ngai tih a sawi a.
Kawng tha nei turin Sawrkarin theihtawp a chhuah zui zel dawn a ni, a ti bawk.
Hemi hnu hian Champhai Town Planning kalpui mek hnuaia hmalakna
pawimawh hmasa leh langsar tak, Champhai khawpui vetchhuaka inkalpawhna kawngpui ‘Ring/Circular
Road’ sial meka hmalakna hmasa, Champhai Zotlang leh Tlangsam khaw kar kawng kilometre 4.5 a thui hnathawh mek chu Official-te leh
khawtlang hruaitute nen an enfiah nghal bawk a ni.
Kawngpui laihzau hna hi kumin March thla laihawl atanga tan niin, White topping tih leh vek tur a ni ang.
TJ Lalnuntluanga chuan khawvel changkang zelah khawpuite a thang lianin a pui deuh deuh a, khawpui
tawt tiziaawma inkalpawhna kawng tha zawk neih theihna turin hmathlir thui tak neia Champhai Town Planning
duan a nih thu a sawi a. Nakin lawka harsatna awm theite thlirin a remchan lai, tun huna hmalak a tul thu a sawi a. UD&PA Deptt. Official-te pawh hnathawh mekte a nihna ang taka thawh a nih theihna turin uluk taka vil turin a chah a ni. TJ Lalnuntluanga chuan nimin tlai khan Zotlang Truck Terminal siam mek a tlawh nghal bawk.
Minister TJ Lalnuntluanga hian vawiin chawhma lamah Vengthar leh Zote inkar kawng laih zauh tur a enfiah
dawn a. GM HSS NSS hruaitute
nen New Champhai-a waiting shed
sakna tur an enfiah leh ang a, chhun
dar 12:30-ah Bethel kawna SBI
Bethel Branch hawnna hun a
hmang leh ang a; hemi hnu hian
Champhai chhuahsanin Aizawl a
pan tawh dawn a ni.
Comments are closed.