NI 3 CHHUNGIN COVID-19 VANGIN MI 2 THI

Get real time updates directly on you device, subscribe now.

Champhai District-ah hri kai 30 hmuh chhuah belh leh a ni a, hri vanga nunna chan 4 an awm tling ta.
Nimin khan Rapid Antigen Test hmangin Kanan vengah hri kai 10 hmuh chhuah a ni a, Kahrawtah 5, Bethelah mi 4, Electric leh Melbukah mi 2 ve ve; Leisenzo, Venglai, Vengsang, Vengthlang North, Vengthlang, Vengthar leh Khawbungah te hri kai hi 1 theuh hmuh chhuah a ni bawk. Heti hian
Champhai District chhungah hri kai hmuh chhuah chu 3,714 an tling tawh a, nimin thleng khan 2413 enkawl dam tawh niin hri kai enkawl lai mi 1,298 an la awm mek.
Pathianni zing dar 8:00 khan Pu Khuahluma, Zokhawthar VCP hlui chu Covid 19 vangin a thi a. Pu Khuahluma hi September ni 13 khan hri a kai tih hmuh chhuah niin, September ni 25 khan ZMC-ah dah luh a ni a, niminpiah khan a boral a; nimin khan Zokhawtharah vuiliam a ni. Champhai District chhunga Covid 19 vanga nunna chan 3-na a ni.
Nizan dar 6:10 khan Pi Tialhnemi, kum 81, Tlangpui khua, Farkawna raltlan chu Farkawn 4C-ah Covid-19 vangin a boral. Thla hmasa Sept. ni 27 khan hri a kai tih hriatchhuah a ni a, Farkawn 4C-ah hian dahluh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More