Champhai Excise & Narcotics Enforcement chuan tunhnai ni 3 chhungin ruihhlo, Heroin gram 199 an man.
Champhai Excise & Narcotics Enforcement-te hian Thawhlehni khan New Champhai, Tlangsam kawngah Rohlupuii, Tlangsam khua nia insawi hnen atangin Heroin hawng 4 (Gram 53 a rit), tualchhung hralhnaa chhuta Cheng 1,20,000 hu an man a. Nimin khan Zokhawthar kawng, Mualkawi daiah Lalchhanhima, Aizawl Tuithiang veng nia insawi hnen atangin Heroin Hawng 2 (Gram 25 a rit) tualchhung hralhnaa chhuta Cheng Sing 6 man an man bawk a.
Heroin neitua puh mi 2 te hi ND&PS Act tlawhchhanin thubuai siam sak an ni a, Champhai District Court-a hruai an nih hnuin Lung Inah khung nghal an ni.
Champhai Excise te hian Pathianni khan heroin grams 121 leh Bike an man bawk a, hei hi chhui zui me a ni bawk a. Inrinni khan Pumsuankhaia, s/o Nengkhankhuala (L), Bulfek, Myanmar nia insawi kut atangin Ganja Kg 4 an man bawk.
Comments are closed.