Mizoram Youth Commission (MYC), State Institute for Rural Development and Panchayati Raj (SIRD & PR) Mizoram leh District Skill Committee, Champhai District buatsaih ni 45 awh tur Cement Mistiri Training chu nimin chawhma khan Champhai District Bawrhsap Maria CT Zuali chuan Gosen Home, Champhai Zote-ah a hawng.
Maria CT Zuali chuan MYC, SIRD&PR leh District Skill Committee tangkawpin Gosen Home a awmte tana thiamthil zirna hun remchang tak an buatsaih chu lawmawm a tih thu sawiin, home a awmte nun kaihruai thei tur hawi zawnga hmalakna chu phurawm a tih thu a sawi a.
Khua leh tui tha, chhawrnahawm leh hmantlaka an chhuah theih nana beihpui chu District Bawrhsap a nih anga a mawhphurhna a ni tih sawiin, tawngkaa inhrilhfiah bakah a taka thawh theih turte pawh training chhung hian ngaihtuahpui zel an nih tur thu a sawi a. Hmathlir leh beiseina neih a pawimawh thu sawiin, thiam thil inzirtirna atangin intunnun leh intodelh kawngah hma a sawn theih
dawn a ni, a ti bawk.
Training hi ni 45 awh tur niin, training a tel tur hian Gosen Home-a awm mi 40 thlanchhuah an ni a. Training chhung hian SIRD &PR Mizoram leh local partner Studio Hamlet, Champhai ten Cement Mistiri ni thei tura pawimawh hrang hrangte theory leh practical class neihpuiin an zirtir dawn a ni.
Comments are closed.