Ni 6 chhung zawn hnuah pawh la hmulo

Kar hmasa atanga chin hriat loha bo – Pi Lalthlanthangi chu nimin thleng khan hmuh a la ni lo.
SYMA atanga thu dawn danin – SYMA thuthmun Branch, Vanhnuailiana Group huam chhunga Branch hrang hrang, Tuipuiral Group YMA leh Tuichangral North Group YMA huam chhunga Branch hrang hrangte chuan nimin thleng khan Pi Lalthlanthangi
hi theihtawp chhuaha an zawn hnuah pawh an la hmu lo a.
Vawiin hi khawtlang anga ni 7 zawnna hun tur a ni tawhin, Mizo danah – Ni 7 ni-a hmuh a la nih loh chuan a nawlpuia mibo zawn hi tih tawp thin a ni a. Pi Lalthlanthangi hi
vawiina hmuh a la nih loh chuan, YMA Sub-Headquarters, Vanhnuailiana Group YMA leh Tuipuiral Group YMA hruaitute’n an rel angin – Pi Lalthlanthangi hun hnuhnung hi Pu Rohnuna, (Pi Thlanthangi nuta), Buang khuate Inah Vanhnuailiana Group YMA kaihhruaiin hman a ni ang.
SYMA chuan mibo hi hmuh a nih ngei theih nan vawiin hian thuthmun Branch YMA atangin Branch ruat bik awm loin a thei apiang thawk chhuak leh turin a ngen a. Mibo zawnnaa a tul ang a hman turin DC, Office Champhai atangin YMA Sub-Headquarters chuan Cheng 10,000 a dawng a, SYMA chuan lawmthu a sawi nghal bawk.
Buang khua khawtlang hruaitute chuan, hmun hrang hrang atanga mi bo zawng tura thawk chhuakte chungah leh, a tula hman tur thilpek petute chungah lawm thu an sawi bawk.