Kar hmasa Inrinni-a bo – Pi Lalthlanthangi kum 61, Buang khua chu Mizo dana ni 7 zawn a nih hnuah, Inrinni khan mipui nawlpui anga zawn hun chu kharna hun hman a ni.
Pi Lalthlanthangi hi Buang khua niin, hun eng emaw chen Champhai Vengthlang North-ah a khawsak hnuin, Buang khuaa a chhungte’n an hruai phei a. Kar hmasa Inrinni khan
Champhai kal tuma insawiin, Buang atanga Dilkawn panna ke-kawnga a kal chu a chin hriat zui a ni ta lo a ni. Pi Lalthlanthangi hi Vanhnuailiana Group YMA huam chhunga Branch hrang hrang, Tuipuiral Group YMA huam chhunga Branch hrang hrang leh YMA Sub-Hqrs Champhai thuthmun Branch hrang hrangte’n Inrinni thleng, ni 7 chhung ngawrh taka an zawn hnu pawha hmuh a la nih loh avangin, Inrinni chawhnu dar 3 khan mipui nawlpui anga zawn kharna hun chu Buang kawt chhuahah hman a ni a.
YMA Sub-Hqrs Champhai hruaitu, Vanhnuailiana Group YMA hruaitu, Tuipuiral Group YMA hruaitute bakah, Champhai SDPO, DPRO leh Khawbung BDO-te’n bo zawn hnatlang leh kharna hun hman hi an tawiawm a ni.
Comments are closed.