NI HNIH CHHUNGIN HRI DANNA MI 816 PE

0

Get real time updates directly on you device, subscribe now.

Champhaiah ni 2 chhungin kum 18-44 inkar mi 816 te Covid 19 hridanna pek an ni.
Kum 18-44 inkar Hri danna pekte hi Sawrkarin pek hmasak tura a tih zinga bungraw phur chi lirthei Truck, LPK, Tata Ace, Maxi Cab, Pick up khalhtute bakah Hardware dawr nghaktute an ni a. Hridanna hi hmun hnih Kahrawt Community Hall leh Govt. Bethel Middle School, Chhura hmunah te pek a ni. Vawiin hian hridanna hi pek chhuah chhunzawm leh tur a ni ang.
CMO Office, Champhai chhinchhiah danin Champhai District chhungah Kum 18-44 inkar mi 1878 te hridanna Dose 1-na pek an ni tawh a, Health Care Worker mi 835 ten hridanna dose hnih an la zo tawh a, mi 1086 ten dose 1-na an la tawh bawk a.
Front Line Worker mi 1079 ten Dose 2 la zo tawhin, mi 1,442 in dose 1-na an la tawh bawk a ni. Kum 44 leh kum 60 inkar mi 18 in hri danna dose 2 la zo tawhin mi 11,122 in dose 1-na an la tawh a. Kum 60 chin chunglamah Dose 2-na la zo tawh mi 2521 awm tawhin mi 12,783 te’n dose 1-na a la tawh bawk.
Champhai District chhungah mi 4,471 te hnenah hri danna dose 2 pek tawh niin, mi 28,311 te hnenah dose 1-na pek a ni tawh bawk.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More