NIKHAT-A HRIKAI HMUHCHHUAH TAM BER TUM

0

Get real time updates directly on you device, subscribe now.

Champhai District chhungah hri kai nikhata hmuhchhuah tam ber tum a tawng.
Nimin khan Rapid Antigen Test hmangin Electric Vengah hri kai 6 hmuh chhuah a ni a, Zotlangah 5, Kanan vengah 4, Bethel leh Zion Vengah 3 ve ve bakah New Champhaiah pakhat hmuh chhuah an ni. Nizan hmasa khan TrueNat hmangin hri kai 22 hmuhchhuah a ni a. Bethel Vengah mi 13, Vengthlangah 9 hmuhchhuah an ni a. Niminpiah lama tarlan bakah Zokhawtharah Rapid Antigen Test hmangin hri kai 49 hmuhchhuah belh a ni bawk.
Thawhtanni khan TrueNat hmangin hri kai 22 leh Rapid Antigen Test hmangin hri kai 122 hmuh chhuah niin, darkar 24 chhungin hri kai 144 hmuh chhuah a ni a, hei hi ni khata
Champhai District chhunga hri kai hmuhchhuah tam ber tum a ni.
Heti hian Champhai District chhunga hri kai hmuhchhuah chu 2,123 an tling tawh a. Nimin khan hri kai enkawl dam mi 8 te’n enkawlna hmun an chhuahsan a, enkawl dam hi 1,511 awm tawhin hri kai hmuhchhuah zat atanga chhutin hri kai enkawl dam zat hi za zela 71.17 a ni a; hri kai enkawl lai hi 610 an la awm mek.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More