NIZUNG CHAKNA HMANGA MEI ENG SIAMNA

Get real time updates directly on you device, subscribe now.

Ni zung chakna hmanga kawlphetha MW 20 pechhuak thei tur Vankal Solar Park bun hna thawh mekah China atanga bungraw chahte chu tunlai hian a hmun thlenpui mek a ni.
Khawzawl P&E Division hnuaia awm Vankal Solar Park siam hna chu ngawrh taka kalpui mek zel a ni a. China ram atanga Solar Module leh Structure chah te chu Kolkata thlenpui a nih hnuah, Vankal lamah thiar chhoh mek a ni a. Khawzawl P&E Division EE, Er. K.Duhsanga chuan, tun thla ni 6 khan Solar Module dahna tur structure trip khat chu Vankal hi thlenpui a ni a. Ni 8 khan trip hnih thlenpui leh a ni a, Vankal Solar Park ah hian solar module hi plate 59,000 vel a awm dawn a. China ram atanga module lakluh te hi India rama kawlphetha W 250 pechhuak thei an siam tiat ni mah se, W 470 a pechhuak thei tih a sawi a. Solar module leh structure hi trip 400 vel thiar a la ngai dawn tih a sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More