NSS DINCHAM LAWM

Nimin khan NSS Foundation Day vawi 50 na, Golden Jubilee chu Vengsang YMA Hall ah a lawmna hun hman a ni.

He hun hi Gov’t Champhai College leh Gov’t GM Higher Secondary School tangkawpa

buatsaih niin, Dühzuala Chawngthu, Programme Officer,.Gov’t GM HSS chuan a kaihhruai a, NSS hian thupui atan Cancer

and Tobacco Control tih chu an hmang a ni. He huna thusawitunRL Chhuanawma, Programme Officer, Gov’t Champhai College

chuan NSS chu midangte tana malsawmna ni tura thawh a nih thu a sawi a. A tum ber chu midang awl tir a, mahni thawhchhuah tih a nih thu a sawi a ni. Kum 1969 Sept. 24 ah India ramah NSS hi din a nih thu leh University 37 ah din a nih thu sawiin, hemi atang hian vawiin thlengin NSS hi thlah lova kalpui zel niin, NSS hmang hian school mai bakah vantlang tana hman tur zun in leh ek in te siamin thlanmual te sam fai bakah khawlai tih fai te chu an hnapui ber a nih thu a sawi a. Midangte tana malsawmna nih chu a dinchhan ber a ni tih a tarlang bawk.

Resource Person Zaihmingthanga, Anti Tobacco Cell atangin NSS thupui, Cancer and Tobacco Control awmzia leh a tum te ngaihthlak chhunzawm a ni. NSS te hian Mahatma Gandhi a piancham vawi 150 na, October ni 2 ah Cleanliness Drive nei leh tura ruahmanna siam mek niin, Keilungliah thenfai hna an thawk leh dawn a ni.