National Trade Union of Mizoram, Sub-Headquarters Champhai chuan Champhai District All NGO Meeting in hmalak a tum dan chu an thlawp tih thuchhuah siamin an tarlang.
Thuchhuah siama an tarlan dan chuan, Trade Union hi hnathawktu pawl hrang hrang awmkhawmna a nih avang leh, Trade Union-in a tum leh nihna a ken tel zingah ram leilung fate dan anga hnathawktute chhawr leh dan anga sumdawnna te a kal theih nana hmalakna a lo neih tawhna te kan hre reng a. Dan hnuaia dik leh fel taka engkim tihna hian nakin zel atan kan tu leh fate thleng a nghawng dawn avangin, tuna NGO pawl hrang hrang hma lakna hi kan thlawp tlat a ni. Dan rahbehna ramah reng reng mipui an zalen thei lo va, hnathawktu ten harsatna namen lo an tawk thin.
Mirethei tan kun tlawk tlawkna a ni a, mipui-in an tuar nasa em em thin. Vawilehkhata sumdawnna emaw hnathawhna a hlawk thut tumna hian mihring rilru a tichhia a, chu chuan Chhungkua, Kohhran, Khawtlang leh Ram thlengin a nghawng chhe thin. Trade Union chuan ram chhungah dan ang taka sumdawnna kalpui a nih theih hi a duhthusam niin, chu chuan mirethei thlengin dik taka tihna leh hnathawhna a rinawmna a hring chhuak ang a. Dik taka hnathawh leh hmalakna hian a daih rei a, a hlawk zawk a, mihring nun a siamtha tih hi Trade Union innghahna a ni tih an tarlang.
Comments are closed.