NU LEH PA FATE ENKAWL TLAK LO THUBUAI 107 ZIAKLUT

Get real time updates directly on you device, subscribe now.

Kum 2012 atanga 2021 chhungin Child Welfare Committee (CWC) Champhai te chuan thubuai 970 ziak lutin heng zinga a tam ber chu mipat hmeichhiatna hmanga naupang khuaikhem thubuai niin 176 ziah luh a ni a. Heng zinga 81 te chu naupang leh naupang inkhawih an ni.
Kum 10 chhung hian chawh rualin naupang kum tlinglo mipat hmeichhiatna hawi zawnga khuaikhem kum tin mi 18 an awm ziah anga chhut a ni. Nu leh pa fate enkawl tlak lo thubuai 107 leh naupang enkawltu ten an thlah thlam thubuai 106 ziah luh a ni. Chhungte tihduhdah avanga naupang tlanbo 57, retheih lutuk avanga harsat tawk 55 leh naupang enkawltu neilo mi 6 an awm a. Fa inchuh thubuai 57 ziah luh a ni bawk.
Child Welfare Committee a thubuai ziah luh zawng zawng hi chinfel vek tawh a ni.
Juvenile Justice Board (JJB) hnuaiah thubuai 376 ziahluh niin thubuai te hi la chinfel loh 12 ala awm. JJB hnuaia thubuai ziahluh tam ber chu ruk ruk thubuai niin 157 ziahluh a ni a. Hursualna lam hawia naupang leh naupang inkhawih thubuai 81, zu leh damdawi chungchanga man 70, ruihhlo ngai mi 9 an awm. In atanga naupang tlanbo 15 an awm bakah tualthah thubuai 8 ziahluh a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More