NUAI 11 CHUANG MAN RUIHHLO MAN

Champhai Excise & Narcotics Enforcement Staff-te chuan Heroin Hawng 34 leh a neitua puh mi 2 an man.
Champhai Excise & Narcotics Enforcement Staff-te chuan Zirtawpni kalta zan khan Chhungte thlang, Mualzen ram National Highway No. 6-ah Taxi pakhat atangin Heroin Hawng 29 (Gram 435 a rit) leh a neitua puh Lallawmzuala, Electric Veng Lunglei nia insawi leh Lianchhuaka, Champhai Zotlang nia insawite chu an man a. Heroin man hi Comercial Quantity tlingin kum 10 aia tlem lo, kum 20 thlenga lung In tang tura hrem theihna a ni. Heroin neitua puh mi pahnihte hi ND&PS Act tlawhchhanin thubuai siamsak niin Inrinni khan Champhai District Court-a hruai an nih hnuin Lung Inah
khung nghal an ni.
Zirtawpni tlai khan Champhai Excise & Narcotics Enforcement Staff-te hian Tlangsam daiah Heroin Hawng 5 (Gram 69 a rit) chu an man a, a neitu erawh chu a tlanbo hman a, chhui zui mek a ni. Champhai Excise & Narcotics Enforcement Staff-te heroin man hi a vaiin hawng 34 (Gram 504 a rit) a ni a, tualchhunga hralhnaa chhutin Rs. 11,90,000 hu a ni.