NUAI 45 CHUANG HMU LET

Inrinni khan Champhai District Legal Services Authority buatsaihin National Lok Adalat neih a ni.
Inrinni Lok Adalat-ah hian Thubuai 49 ngaituah niin thubuai 13-ah inremna siam a ni a. Bank-a pawisa puk rul leh thei lo thubuai 33 ngaihtuah niin, nupa inthen thubuai 2 leh Lirthei chetsualnaa nunna chan thubuai pakhat ngaithuah a ni a. Civil case dang 14 ngaihtuah a ni bawk a. Inrinni hian pawisa fai Cheng 45,63,722 hmuh let a ni a.
September ni 8 khan Pre Lok Adalat neih a lo ni tawh bawk a. Hetah hian thubuai 33 ngaihtuah a ni a. Thubuai ngaihtuah zinga 16 chinfel niin, Sum hmuh let hi Cheng 18,28,914 a awm bawk.
Lok Adalat hi Fast track Court, CHANEM building-ah neih a ni a. He Lok Adalat ah hian Bench 2 siam niin, Bench I-ah Lalramsanga, Secretary DLSA hova thut a ni a; Bench II ah Josangzeli Tlau, Judicial Officer hova thut a ni bawk.