PARK NUAM TAK SIAMNA ATAN ₹1500

Get real time updates directly on you device, subscribe now.

Champhaia cham mek Minister TJ Lalnuntluanga chuan nimin khan Tlangsam Ecotourism Park, Cultural Centre dinna tur leh Volleyball Court siam te, Champhai Ring Road project hnuaia Zotlang atanga Tlangsam paltlanga Zote panna kawng siam leh Chhungte Futsal Ground siamte a tlawh.
Minister TJ Lalnuntluanga chuan kum 2019 atangin Cultural Centre din nan, Sawrkar laipui Ministry of Culture hnuaia Tagore Cultural Complexes Scheme kaltlangin, Tlangsam hmun hlui chu cheibawl tura ruahmanna siam tan a nih thu a sawi a.
Sawrkar laipuiah DPR te thehluh fel a ni tawh a. National Appraisal Committee pawmpui tura chhawp chhuah mai tawh tur a ni a, bultan nan ₹ Nuai 1,500 a hmin mai beisei a ni, a ti a.
Tlangsam Eco Tourism Park siam nan JAICA hnuaiah ₹ Nuai 300 beisei a nih thu a sawi bawk a. Project a hlawhtlin theih hunah Tlangsam Ecotourism Park-ah Champhai District Chapchar Kut lawmna pui ber hman a nih ngei a beisei thu a sawi bawk.
Minister TJ Lalnuntluanga chuan Tlangsam kaltlanga Myanmar nena inkalpawhna tur kawng sial tura hmalak tum a nih dan te a tarlang bawk a. Tlangsam Volleyball Court laih mek a tlawh nghal bawk.
Ring Road project hnuaia Tlangsam hmun hlui tlang atanga Zote Falkawn pawh tura kawng laih tur chu tuihna humhalh duhna avangin, khaw chuanhnuai zawka kaltir tura ruahmanna neih a ni, a ti a. Hrilengin ziaawm lam panin sumpai dinhmunin awmzia a nei deuh deuh ang a, hmasawnna ruhrelte pawh a tul angin siam zel tum a ni, a ti bawk.
Law & Judicial Minister hian nimin tlai khan Chhungte khua a tlawh a, Futsal Ground siam endikin khawtlang mamawh leh hmachhawpte a sawipui a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More