PAWL HRANG HRANG FAINA CHUNGCHANGAH PENCHHUAK

Get real time updates directly on you device, subscribe now.

Champhai khawpui chhunga Faina Hapta hman meka fai inelna endik tura ruat te chuan nimin khan endik hna an tan.
Champhai District Level Cleanliness Week Celebration Committee thukhawmin, Faina Hapta chhunga inelna endik tura a ruat te chuan nimin khan endik hna an thawk tan a. SYMA Champhai chuan veng hrang hrang fang kualin veng fai an endik a. MHIP Sub Hqrs Champhai chuan Restaurant, Hotel, Bazar leh Hospital fai an endik a. MJA Champhai District chuan Office fai leh School fai an endik bawk a, an endikna result hi Champhai District Level Cleanliness Week Celebration Committee-ah an theh lut leh dawn a ni.
Nimin vek khan Faina Hapta hman tan atanga ni 5-na niin, he mi pual hian District Transport Officer R.Lalnunkimi hovin Champhai khawpui chhunga lirthei neitu inzawm khawm pawl hrang hrangte chu fai beihpui thlakin an hnatlang a. Champhai District Taxi Owners’ Association chuan New Champhai leh Helipad inkar kawngpuia bawlhhlawh tla te an chhar fai a.
Auto Rickshaw Owners’ Association te’n New Champhai leh Zotlang inkar kawngpui tifaiin ZDU, Pickup, 407, Tata Ace leh LPK Truck Owners’ Association te’n Khankawn leh Zotlang inkar kawngpuia bawlhhlawh tla te an chhar fai bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More