Pawl panga in Municipal Council din turin Sawrkar ngen

0

Get real time updates directly on you device, subscribe now.

Champhai-a pawl hrang hrang pangate chuan thuchhuah intawm siamin, Champhai Municipal Council din turin Sawrkar an ngen.
Nimin khan Champhai District NGO Co-Ordination Committee; Champhai Thalai Pawl; Mizo Zirlai Pawl Headquarters, Champhai; Mizo Hmeichhe Insuihkhawm Pawl Sub-Hrqs. Champhai leh Mizoram Upa Pawl Sub-Hqrs. Champhai chuan Champhai Municipal Council din chungchangah thuchhuah intawm an siam a.
An thuchhuaha an tarlan dan chuan, Mizoram chu State rethei leh intodelh lo a nih rualin, mi dangte anga hmasawn kan duh ve tho si avangin kan innghahna ber sawrkar laipui atanga sum dawn thin chu tam zawka kan hmuh theih nan, a dawhthleng atan Mizorama District khawpui tin chu Municipal Corporation/Council/Board-a inrelbawl ni se tha an tih thu an tarlang a.
A bikin, Champhai Master Plan leh Champhai Solid Waste Management-te chu mamawh ngawih ngawih, State Sawrkar tana tih puitlin harsa si a nih avangin, Champhai district hmasawnna kawng engkimah State Sawrkar nawr buai loa Sawrkar laipui zem a zen ve theihna turin, Champhai Municipal Council chu Sawrkarin ruahman sak thuai tura an phut thu an tarlang a.
Aizawl Municipal Corporation leh Lunglei Municipal Council-te tana Rules & Act siam zulzuia Champhai Municipal Council chu din thuai tura Sawrkar an ngen thu an tarlang bawk a. Chu chu Sawrkar thil tum, thuneihna sem zai (Decentralization of Power) leh India Danpui hnuaia inrelbawlna, Federal State pakhat a nih anga Indian Constitution 74th Amendment Act, 1992-in a phut
tihhlawhtlinna pawh a ni ngei ang tih an thuchhuahah chuan an tarlang bawk.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More