Phun lungawi mai loin Judge hnenah a zualko theih

Get real time updates directly on you device, subscribe now.

Nimin khan Champhai ah District Consumers’ Association buatsaihin World Consumer Rights Day, 2021 hman a ni a, “Jackle Plastic Pollution” tih chu thupui atan hman a ni.
He hun hi Addl. District & Sessions Judge Sylvie Zomuanpuii Ralte hovin a pisa-ah hman a ni a. C. Lalngura, Chairman District Consumers’ Association chuan he hun hi kaihruaiin District Commission hnuaiah Rs. 1 atanga Rs. Nuai100 inkar-a buaina awm chu ngaihtuah theih a ni tawh dawn a. Consumer ten lei leh hralh chungchangah lungawi lohna an nei a nih chuan phun lungawi mai lo va, Addl. District & Sessions Judge pan mai thin turin a chah a ni.
Addl. District & Sessions Judge Sylvie Zomuanpuii Ralte chuan Consumer te
dikna chu mitin hriat ni tawh mah se World Consumer Rights Day a nih anga Consumer te dikna inhrilhhriat tharna hun an hmang tih a sawi a. Kum 2019 a dan siam that ah dawr-a thil leitu te leh mi theihna man chawi-a hmansaktute reng reng chu consumer an ni a, consumer te an thil lei ah an lungawi lo emaw, an hmuh tur ang an hmu lo a nih chuan thuneitute hriattir vat a, ring ngam turin a chah a. MRP aia sang engmah lei lo tur leh, pawisa kir tur aia sweet emaw thil dang nepnawi emaw inpek te hi consumer te chuan an duh lo thiang tih a sawi a.
Tute pawhin an phak ang tawka tha ber lei an duh thin tih sawiin, dawr neitute hian consumer te an lo dawnsawn danah zir tur tam tak an nei a. Dan chuan kawng engkima consumer te dikna humhalh leh a tha ber pek chu a tum ber a ni a, ram changkang apiangah Dan an ngai pawimawh tih a tarlang bawk.
Khawvel chhiat zel lohna tura Plastic emaw tawihral thei lo chi hman loh chu World Consumer Rights Day 2021 thupui in a tum ber a ni tih a sawi a. Plastic aia tha zawk hman dan inzirtir uar a tul tih sawiin, plastic lam chi a tlem thei ang ber hmang a, hman tawh hnu pawh paih mai lo a, hman nawn leh theih dan kawng zawng fo turin consumer te a chah nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More