Pi Zoramsangi (42) w/o Auringa, Biate Sialhawka pasal nei chu kar hmasa ni 12.2.2021 (Zirtawpni) aṭang khan zawn a ni a. Mizo dana ni sarih (7) chhung zawn a nih hnuah vawiin ni 20.2.2021 (Inrinni) hian chhung khat laina ṭhenrual hnai deuhte leh, YMA leh VC ten an zawn chhunzawm leh in vawiin chawhnu dar 1:20 vel khan thi-a hmuh a ni.
Pi Zoramsangi hi a bo tan tirhna hmun kawngpui aṭanga a chhuk thlakna ah vawiin hian Sialhawk VCP leh YMA mi ṭhahnemngai ten an en nawn leh a. A bo tanna aṭanga lui mawng lam zawh zelin Sialhawk khaw chuan hnuai lam Leilet atana an siam tawh loh, phul hnim karah a ruang hi an hmu ta a. A ruang hi a la chhe lo a, rim pawh a la awm lo niin VCP Sialhawk chuan a sawi. Helai a ruang an hmuhna lai hi Sialhawk mi bo zawngtute hian an pal hnehin an dap vek hnu a ni a. Mahse, an kal tawhna hnu hi ṭawngṭai lama thil hre thei an rawn chuan en leh tura a tih angin an ennawn a. Pi Zoramsangi ruang hi an hmu ta a ni.
Comments are closed.