PNEUMONIA UMBO BEIHPUI TLAKNA HUN HAWNG

Get real time updates directly on you device, subscribe now.

Nimin khan khawvel hmundang rualin World Pneumonia Day 2021 pualin hun hman a ni.Naupang kum 5 hnuai lam zinga Pneumonia avanga thi ti tlem tura beihpui thlakna Programme hawn a ni.
Champhai ah chuan Health Mission Champhai huaihawtin District Hospital, Champhai OPD ah hun hman a ni. Beihpui thlakna Programme hawngtu Dr. R. Lianmawia, CMO chuan Pneumonia natna hi hriatchhuah hma leh enkawl vat a nih chuan thihna tamzawkte pumpelh theih a nih thu sawiin mitinin naupangte hriselna dinhmun kan uluk a, kan chik a ngai a ni a ti. SAANS-in a tum ber chu naupang thi 1000 zel a 5 Pneumonia avanga thi chu kum 2025 ah chuan 3 ah tih hniam a nih tur thu a sawi. SAANS-in a ngaih pawimawh chu naupang kum 5 hnuai lam Pneumonia vei te enkawlna tha tak pek te, a enkawlna hmanrua hrang hrang tih changtlun a nih thu sawiin mipuite Pneumonia vei lo tura in enkawl a pawimawh zia uar taka sawi a tul hle a ni a ti.
Dr R. Lianmawia chuan naupangte hriselna ngiah pawimawh a tul zia pawh sawiin hridanna lak a pawimawh thu te, an damloh a mahnia inenkawl mai lo a mithiamte rawn vat tur a nih thute a sawi.Faina leh thianghlimna ngai pawimawh a, eitur leh tui thianghlim chauh in thin turin kalkhawmte a chah. Global Coalition Against Child Pneumonia bul tumin kum 2019 November ni 12 atang khan World Pneumonia Day hi hman tan a niin kum 2020 atangin India ah hman tan ve a ni a, Mizoram ah chuan a tum khat hman tanna niin November ni 12 atanga February ni 28,2022 thleng Sawrkar laipui ruahman angin kalpui tur a ni. Naupang kum 5 hnuai lam Pneumonia natna avanga thi ti tlem tura beihpui thlakna hun hi Dr Zatluanga, Med. Supt. in kaihruaiin Dr Biakthansangi,Paed. in Pneumonia umbo a nih theihna tura mitinte mawhphurhna tih a sawiin C. Lalramengi, District Project Manager, NHM-in lawmthu sawiin hun a khar.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More