POLICE HNENAH INPUANG TA

Get real time updates directly on you device, subscribe now.

Kar kalta Thawhlehni-a Dungtlang khuaa Silaia inkah hliam chungchanga rinhlelh man Lalengmawia, Leithum khua chuan a kah ngei a nih thu Police-te hmaah a puang.
Thawhlehni khan Pu K.Rammawia, Dungtlang khua chu Vangchhia leh Sazep inrina Lui, Pukpui rama Thangtung a khawrh lai chu mitu tih hriat lohin a luah a kap hliam a. Dungtlang Police Station-ah thubuai ziah luh niin, hemi ni tlai hian Dungtlang Police-te chuan rinhlelh thuah Lalengmawia kum 26, Leithum khua chu thu zawhfiah turin an la nghal a. Lalengmawia hi a inpuan mai loh avangin Dungtlang Police chuan Nilaini khan Court-ah Darkar 48 kawl belh dilin thu an zawt fiah zui leh a. Lalengmawia hian Pu K Rammawia hi a silai kah muin a fuh ngei tih a inpuang ta niin thu dawn a ni. Lalengmawia hi IPC Section 326 leh 388 tlawh chhana thubuai siam sakin Zirtawpni khan Champhai District Jail-ah dah luh a ni.
Pu K.Rammawia hi Khawbung PHC-a dah luh niin Medical Report-a tarlan dan chuan a luah Silai mu (Musep) hian a thawia fuhin hliam tenau a tuar niin a inziak a, Khawbung PHC-ah enkawl mek a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More