POLICE TEN AN NI PAWIMAWHAH SUMO DRIVER CHAWIMAWI

Get real time updates directly on you device, subscribe now.

Champhai SP Pu Lalrinpuia Varte chuan venhimna hnathawk tuten an nunna an hlan avangin India mipuite chuan himna kan chan phah a, ram tana an inpekna chu kan hrerengin kan zah hle ani a ti.
Nimin khan India ram hmundang rualin Police Commemoration Day vawi 62-na chu Champhai-ah urhsun takin hman a ni.
He hunah hian Champhai Police te chuan an duty laia nunna chan te zahna chibai an buk a, Champhai SP Pu Lalrinpuia Varte chuan Kum 2020 September thla atanga kumin October thla chhungin state hrang hrangah
venhimna hna thawktu numma chan mi 337 an awm a, Covid-19 avanga thi te chu chhiar tel an ni lo tih a sawi. Kum kalta chhung khan Mizoram-ah duty laia nunna chan police an awm lova, state dang zingah police 17 thihna West Bengal chu a tam ber an ni a ti.
He ni pual hian Champhai Police mi 2 chhungte hnenah hriatrengna thilpek an pe a, hei bakah hian Champhia Police ten tun thla ni 13 a Heroin hawng 58, cheng nuai 29 man hu an man chhuah kawnga police te puitu
Maxi Cab driver Vanlalnunpuia chu chawimawina an hlan nghal a. Champhai SP chuan mitin te thiltha lo do kawnga thawhpuina a ngen nawn leh bawk a ni.
October ni 21, 1959 khan India ram chhunga awm Aksai Chin pel a ralthuam fakim nena rawn lut ru China sipai rual te chuan mahni ram venghim tura hnathawk duty mek India Police te chu Hotsprings Ladakh-ah an lambun a, police huaisen tak tak sawm (10) laimaiin nunna hlu tak an chan phah a ni. He ni hi police ram tana nunna pe te hriatrengna Commemoration Day atan India sorkar chuan puangin ram pumpuiah kumtin hman ani ta a, heminizing dar 8-ah hian India ram State Capital leh District Hqrs.-ah te chuan Commemoration Day parade neih thin ani a, India ram puma police duty lai te thi te hming chhiar chhuakin an mahni hriatrengna leh sunna hun urhsun taka hman thin a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More