POLICE TEN RUIHHLO MAN

Get real time updates directly on you device, subscribe now.

Champhai Police te chuan nizan hmasa khan heroin ni ngei a rin Rs. Nuai 6 hu an man.
Nizan hmasa dar 6:00 vel khan Chalbawiha Junction, Khankawn Police Check Gate ah Zokhawrthar to Aizawl Sumo, MZ 01 J 1467 a chuang pakhat, Amit Kumar, kum 35, Gopal Limbu, Maubawk, School veng Aizawl ni-a insawi hnen atangin heroin ni ngeia rin hawng 1, sahbawn bawma dah, gram 11 a rit chu man a ni a. Tualchhung hralhnaa chhutin Rs. Sing 5 hu a ni a, heroin neitu ni-a puh hi ND&PS Act hnuaiah thubuai siamsak a ni a, nimin khan District Court ah thawn in District Jail ah dahluh a ni. Nizan hmasa vek dar 9:45 khan Chalbawiha Junction, Khankawn Police Check Gate ah Zokhawthar to Aizawl Sumo, MZ 01 H 1956 atangin heroin ni ngeia rin, hawng 11, gram 133 chu naupang kum tlinglo hnen atangin man a ni a. Heroin ni ngeia rin neitu ni-a puh hi kum tling lo a nih avangin Juvenile Justice Board ah hlan a ni a. Ruihhlo hi tualchhung hralhnaa chhutin Rs. Nuai 5.5 hu a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More