Gram Panchayat Development Plan (GPDP) chungchang sawihoin nimin khan District Bawrhsap hovin thutkhawm a ni.
DC Conference Hall, Keifangtlang-ah thutkhawm niin sorkar department hrang hrang aiawhte an tel a, thutkhawmah hian kumtawpa sorkar sumbang awm thinte Champhai District tana chan ve anih theihna tura ruahmanna siam dan tur sawiho niin politics inrawlh lova a phu te ngei puih an nih theihna tura hmalak dan tur te sawiho a ni.
Thutkhawm kaihruaitu District Bawrhsap Pi Maria CT Zuali chuan minawlpuiin an chhawr tangkai theih dan tur ngaihtuah a ngai tih sawiin chumi tur chuan DC leh an thawh puiten thutlukna siam ringawt lova mipuite rawn chunga ruahmanna siam anih theih nan khawtinah mipui rorelna Gram Sabha koh ngei a tul thu a sawi bawk.
KCC Loan pekchhuah chungchang pawh tarlan niin loneitute tan Rs. 1,50,000/- thleng dahkham leh guarantor ngai lovin a lak theih dawn a, Bank lamin anlo pe duh lo anih chuan thuneitu sang zawk thlenga report theih an nih tur thu te tarlangin tunah hian inbuatsaihna kalpui mek a nih thu tarlan a ni a.
KCC Loan-ah hian Vety leh Fishery lam a huam deuh bik a, hemi chungchangah hian loneitute hnenah Awareness buatsaih tum ala nih thu pawh tarlan ani bawk a ni.
Comments are closed.