PRIME MINISTER HNENAH ZOKHAWTHAR LAND CUSTOM TI CHANGTLUNG TURIN NGEN

Get real time updates directly on you device, subscribe now.

International Trade Initiative Forum Aizawl, Mizoram chuan Indo Myanmar Boder Trade Zokhawthar Land Custom Station tihchangtlun a nih theihna turin Prime Minister hnenah Memorandum an thehlut.
International Trade Initiative Forum Aizawl chuan Prime Minister hnenah hian, Zokhawthar Land Custom Station chu a rang thei ang bera Integrated Check Post-a hlan kai a nih theihna tur te, Zokhawtharah Plant Quarantine, Animal Quarantine, Food Tresting Laboratory leh Immigration Office dah tur te, International insumdawn tawnna hmanraw lar ber Letter of Credit ti thei tura Zokhawthar leh Khawmawi Bank thuam tha turte-in thu an thlen a.
Mizoram Certificate of origin pe thei tur pawl phalsak te, Internet connectivity rin tlak Zokhawthara dah tur te, Ramri insumdawn tawnna tihmasawnna tura Damdawi in leh zirna tha din tur te, Zokhawthara Weigh Bridge dah tur te, Visa on Arrival tih theihna tur Zokhawthar leh Khawmawi-ah ruahmanna siam tur leh, Indian Consul Office Aizawla hawng turte in Memorandum hi an theh lut a ni.
International Trade Initiative Forum Aizawl hian Prime Minister hnena Memorandum an theh luh hi Mizoram Chief Minister hnenah pawh an theh lut a. Central Sorkarah heng harsatna la awmte thlen sak turin CM hi an ngen bawk a. Larsap Hari Babu Kambhampati hnenah pawh Memorandum Copy hi an pe bawk a ni.
International Trade Initiative Forum Aizawl chuan Dan ang taka sumdawnna bungrua la lut turin, Zokhawthar Land Custom Sation-ah thil mamawh tam tam a la awm avangin sumdawng te’n bungraw lak luh leh thawn chhuah kawngah harsatna an tawk nasa hle tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More