RABUNG-AH COVID-19 DAMDAWI NORTH MLA IN SEM

Get real time updates directly on you device, subscribe now.

Champhai North bialtu MLA Dr. ZR Thiamsanga chuan a bial chhunga hri kai tamna khua Rabung-ah Covid-19 damdawi a thlawnin a sem.
Rabung khuaah hian In 330 awmin mihring 1720 an cheng mek a, kar hmasa a hri kai an tam lai berin mi 411-in an kai a, tunkar tir lam atangin hri hian ziaawm lam pan hret mahse nitin hri kai hmuhchhuah belh zel ala ni a, nimin khan hri kai mi 17 hmuhchhuah belh leh niin tun dinhmunah hri kia mi 54 anla awm mek a ni.
Champhai North bialtu MLA Dr. ZR Thiamsanga chuan Rabung khuaa hri kai mekte tan Covid-19 damdawi a thlawnin nimin khan a pe a, MLA aiawh hian MNF Unit hruaituten an sem a ni.
Champhai District chhungah hri kai mi 26 hmuhchhuah belh leh a ni a. Nimin khan Rapid Antigen Test hmangin hri kai mi 21 hmuhchhuah niin Sazep-ah mi 9; Hmunhmeltha-ah mi 4; Zotlang leh Selam-ah mi 2 ve ve; Kanan, Venglai, Hnahlan leh Dinthar- ah mi 1 theuh hmuhchhuah a ni a. TrueNat hmangin hri kai mi 5 hmuhchhuah ni bawkin Vengthar-ah mi 4 leh Vengsang ah mi 1 te hmuhchhuah a ni.
Heti hian Champhai District chhunga hri kai hmuhchhuah chu mi 7575 an tling tawh a, nimin khan hri kai enkawl dam mi 18 ten enkawlna hmun an chhuahsan a, hri kai enkawl dam zat hi mi 7076 an tling tawh a, hri kai enkawl lai mi 475 anla awm mek a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More