RALTLAN CHAUH NILOIN TUALCHHUNG MI HARSA TE PAWH PUI DAWN

Get real time updates directly on you device, subscribe now.

Champhai District-a raltlante tanpuina chu a thawh hnihna atan Impulse NGO Network, Shillong leh Cod Nerc Mizoram chuan khaw 9-a chhungkua 500 te hnenah sem chhuak lehin, buhfai leh chawhmeh chi hrang hrang, dry ration an sem a ni.
Impulse NGO Network State Team Leader leh Cod Nerc Chairman ni bawk C.Lalmuanthanga leh a thawhpui ten Nilaini khan Zokhawthar, Mualkawi leh Zote Relief Camp a chhungkaw 351te tlawhin dry ration hi an sem a. Ningani khan Tuipuiral group YMA huam chhung khaw 6 – Khuangleng, Sesih, Leisenzo, Lianpui, Khawbung leh Khuangthing ah an semchhuak leh a ni.
Impulse NGO Network chuan mihring tupawh mangang leh tanpui ngaite tanpui chu an hnapui ber a nih thu an sawi a. Burma ram buai avanga harsatna kal zelah human traffickling te pawh a awm palh hlauh thilah Impulse NGO Network hian nu valai leh nula te sum thawh chhuahna an neih theih nan puantah leh kut thiam thil eng eng emawah hma an la chho mek a. Tualchhung mi harsa zual tan pawh hma an la mek zel dawn tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More