Nimina District Bawrhsap Maria CT Zuali hova district mi pawimawh thukhawmte thurel bawhzuiin, Champhai District Addl.
DC Henry Lalrawnkima chuan nimin khan Myanmar lama haw duhte tana zawm tur thupek a chhuah.
Thupeka tarlan dan chuan, Myanmar rama let duhte chu Ni 2.6.2021 leh 4.6.2021 ah chauh an kir thei tawh ang a. VLTF hnenah an hming, kum zat, Myanmar-a an awmna khua leh lirthei hman tur number an report tur a ni a, hei hi VLTF ten Champhai SDO(S) hnenah an thehlut ve leh ang.
Champhai atanga Tiau kai, Melbuk, Tlangsam, Zote thleng lirthei an hman tur anmahni ngaihtuah tur a ni a, sum sen tul pawh anmahni intum tur a ni ang. Zokhawthar chu
Containment Area-a puan mek a nih avangin Zokhawthar paltlanga let/haw phal a ni lo. An haw dan tur hi DC Office in VLTF hruaitute
hnenah a hriattir leh ang a, haw tur zawng zawngin chu chu ngaihchan tur a ni ang.
Comments are closed.