RALTLAN LA LUH BELH ZEL

Get real time updates directly on you device, subscribe now.

Tunkar hian Vaphai-ah raltlan 28 an luh belh a, Farkawn kaltlangin mi 20 vel an luhbelh bawk a. Farkawna luh belhte hi Farkawnah cham bang lovin hmun dang an pan hlawm niin thu dawn a ni a.
MC Lalramenga, Tuipuiral Group YMA president sawi dain, raltlante hi a ruala luh belh huk an nih loh avangin lo dawnsawn kawngah harsatna an tawk rih lo tih a sawi a. Khaw thenkhat raltlan kawl tam zualte erawh chuan mutbu leh bungbel an indaih loh avangin buaina an tawk deuh niin a sawi bawk. Raltlan zingah hian Tuipuiral chhuahsana hmun dang pan an awm mek zel bawk a.
Tuipuiral YMA chhinchhiah danin tun dinhmunah Farkawn ah hian raltlan an tam ber a, 1150 an awm a mek a. Vaphai-ah 660 vel an awm mek a, Khawbungah mi 243, Thekte ah 240, Zawlseiah 134, Khuang-thingah 66, Khankawnah 50, Khuanglengah 49, Dungtlangah 38, Vanzau ah 37, Thekpui ah 29, Sazep ah 26, Leithum leh Sesih ah 22, Bungzungah 21, Samthang ah 12, Zawngtetui ah 9, Leinsenso ah 7, Lianpui ah 4 leh Vangchhia ah 3 an awm mek a. Tun
dinhmunah raltlan hi 2828 an la awm mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More