Nimin khan Khuangthing khuaa raltlan khung hran mek mi 24 te chu Khuangthing Doctor leh Staff ten RAgT hmangin hri an kai leh kai loh an endik a, hri kai an awm lo.
Tunah hian Khuangthing khuaah hian raltlan hi 68 an awm mek a, nimina mite nen hian RAgT hmanga endik vek an ni tawh a, Khuangthing khuaa raltlan awm mekte hi Covid lakah chuan an hima an ngai tih S. Lalrivunga, Khuangthing Branch YMA President chuan a sawi.
Myanmar Buaina avanga Tuipuiral huam chhunga raltlan rawn lut te hi uluk taka Ni 7 dah hran an nih hnuah Covid hri an kai em tih endik thin an ni a, raltlan hi 1819 chuang rawn lut tawhin Covid hri kai hi 62 hmuh chhuah an ni tawh a; heng hrikai tam zawk te hi 4C ah te dah an ni. Thenkhat erawh chu an dam tawh thung a, tuna 4C a enkawl mekte pawh hi ngaihtuahawm lutuk an awm hriat a ni rih lo. Hetih lai hian Tuipuiral huam chhunga raltlan rawn lut, mi 2 an thi tawh a; Khuangthing thlanmualah ve ve phum an ni.
Comments are closed.