Myanmar tualchhung buaina avangin Mizoramah raltlan an rawn luh belh zel.
Nimin khan Zangtlang, Vanzang, Bung khua, Thlantlang khua atang tein raltlan mi 48 chu Khuangthing khuaah an luh belh a. An awmna tura ruahmanah nimin vek khan dah luh fel an ni. Raltlan rawn lut te hi mutbu pawh nei lo an nih hlawm avangin Khuangthing khawtlang chuan mutbu leh an mamawh hrang hrang an ngaihtuah sak tih Khuangthing YMA President S.Lalrivunga chuan an sawi.
Ningani atang khan YMA Branch Vangchhia chuan raltlante awmna tur relief camp, mi 60 vel awm theihna tur an sa mek a. Nimin khan Tuipuiral Group YMA chuan YMA Sub-Hqrs. Khawzawl hnen atanga raltlante ei tur Buhfai ip 47 an dawn chu Farkawn, Khankawn, Thekpui leh Thektea-ah te an sem a ni.
Comments are closed.