Myanmar tualchhung buaina avanga sahimna zawnga Mizorama raltlan an pun belh zel.
Nimin khan Thinglei atanga rawn tlanchhia mi 13 chu Tlangsam-ah an lut a, Venglaiah mi 9 an luh belh leh bawk. Heti hian SYMA Champhai chhinchhiah danin Champhai khawpui chhungah raltlan hi 1,419 an awm mek a.
Nilaini khan SYMA Champhai chuan raltlan te dahna an cheibawl a, Mualkawi Branch YMA hnatlangin Mualkawi dai, Sapianmaksak, Zonunsanga Farm-ah mi 200 vel lenna tur ruahman a ni.
F. Lalrinmuana, SYMA Champhai President chuan raltlan tanpuina SYMA in a dawn ang ang te, Champhai khawpui chhunga a hlawma raltlan enkawlna hmun pathumah te, thuthmun branch hrang hranga raltlan awmna bakah Tuipuiral Group YMA hnenah sem darh thin a ni tih a sawi.
Comments are closed.