Tuipuiral khaw hrang hranga khawtlang mipuiin Raltlan Relief Camp an sak chu a tam zawk zo fel in, luah luh tan mek a ni.
Myanmar ram chhung buaina avanga nunau thahnem tak Mizorama rawn lut, chenna tur neilote tan Tuipuiral huam chhunga khaw hrang hrangte chuan Raltlan Relief Camp an sak chu zo tawhin, heng relief Camp-ah hian an indah lut mek a. Tuipuiral tlangdungah raltlan luh belh an awm meuh tawh lo va. Nimin khan Saikhum kai kaltlangin mi 8-in Vaphai an lut a. Farkawn kai-ah erawh Farkawn-ah Covid hri kai 31 hmuh niin, an inkharkhip lai a nih avangin lut an awm lo ni a thu dawn a ni.
Hetihlai hian YMA Sub-Hqrs Champhai chuan raltlan tanpuina tur Rs. Nuai 17 chuang an dawng tawh a. Kohhran, Tlawmngai Pawl leh Mimal hnen atangin raltlan tanpuina tur pawisa fai Rs. 6,26,700 an dawng tawh a. Chief Ministers Relief Fund atangin Rs. 10,89,000 an dawn nen a vaiin Rs. 17,15,700 an dawng tawh a, Mutbu leh thawmhnaw thahnem tak an dawng tawh bawk.
Comments are closed.