RALTLAN TANPUINAN SUMFAI HLAN

Get real time updates directly on you device, subscribe now.

Champhai District chhunga raltlan tanpuina sem mektu Zoram Entu Pawl (ZEP) chuan nimin khan Khawbung, Zawlsei leh Khuangthinga raltlan tanpuina sumfaiin an hlan.
Zoram Entu Pawl Director Father S.Michael chuan Dry Ration an kalpui chu tun thla atangin a sumfaia an pek tan thu a sawi a. A hmaa buhfai, dal, tel leh nitin mamawh chi hrang hrang an sem aiah ZEP hian sum faiin raltlan bakah chhungkaw khawsak harsa zual, YMA te’n an thlan chhuah hnenah tanpuina hi an sem thin a.
Tunah hian Khawbungah raltlan chhungkaw 57, mi 259 an awm mek a. Zawlsei relief camp-ah chhungkaw 13 leh puitling, Mizo tawng thiam lo zirlai 20 hnenah tanpuina sumfai hi pek an ni bawk. Tun hnaia Falam leh Halkha inkara Chin Defence Force leh Burma Sipai inkahna avanga raltlan thar erawh an la awm lo niin Tuipuiral Group YMA hruaitute chuan an sawi. Raltlan hna thawk theite chu leilet siam te, hlo thlo leh in sak leh hna hrang hrangah an inhlawh a. Raw tuai, mau tuai leh pà zawngin an ei tur leh hralh sum tur an zawng bawk a. ZEP leh CODNERC hmalakna avangin raltlante chu khawsak harsa lutuk lovin an la awm hram hram a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More