Champhai North Bialtu MLA Dr ZR Thiamsanga, Vice, Chairman, Health & Family Welfare Board chuan a bial chhung a fang mek.
Thawhlehni atangin bial hi fang tanin Aiduzawl atangin bul a tan a,
Rabung leh Ngaizawl te a tlawh bawk a. Khaw hrang hrang a tlawha khawtlang hruaitute hian an khawtlang mamawh hrang hrangte bialtu MLA hnenah hian lo thlenin Dr ZR Thiamsanga chuan a hlawhtlin dan ngaihtuahsak an nih tur thu a hrilh. Khaw hrang hranga MNF Party te hian Best Citizen of India Award 2021 a dawn lawmpuina MLA hnenah hian thilpek an lo hlan a ni. MLA hian Ngaizawl khuaa raltlan awmte chu
thawmhnaw a pe bawk.
Dr. ZR Thiamsanga hian nizan khan Champhai ah riakin vawiinah Champhai khawpui chhungah hun hmangin naktukah Ngur MZP ten zirlai titha chawimawina hun an buatsaih a telpui ang a, a bial chhung a fang chhunzawm leh dawn a ni. Kar leh Nilainiah Selam SRDC Rest House a hawng ang a, Khuangphah tlangdunga khua te a tlawh chhunzawm leh bawk dawn a ni.
Comments are closed.