RALTLAN TEN INFUIHTHARNA HUN HMANG

0

Get real time updates directly on you device, subscribe now.

Inrinni zing khan Farkawn khua a Myanmar atanga raltlan chhungkaw tin aiawhte inko khawmin infuihtharna hun an hmang.
Myanmar khaw hrang hranga khawtlang hruaitu tuna Farkawn khuaa raltlana awm mek te huaihawtin Myanmar atanga Farkawn a raltlan chhungtin aiawhte inkokhawmin infuihtharna hun hi an hmang a ni. Khawtlang hruaitute chuan thusawiin, an ram buai avanga raltlan a ngaita chu pawi an tih thu leh Farkawn khawtlangin anlo dawn sawn danah lawmthu an sawi a. Khaw hrang hrang leh mize hrang hrang nei tlan khawm an nih avangin Farkawn khawtlang pawi lo sawi tawk leh lo hnawksak tawk te pawh an awm an rinthu sawiin. Chutiang mi anlo awm a nih pawhin sim a khua leh tui tha tak anga awm tum theuh turin an in chah a. Mizo Kristian tlawmngaihna rilru pu chungin minlo mikhualtu Farkawn khua tihmingchhe zawnga awmlo turin mahni chhungkuaah inzirtir theuh turin an inchah a.
C. Lalramliana, VCP, Farkawn pawhin thusawiin raltlante chu khawtlang dan zawm chungin thlamuang taka awm tur leh harsatna an nei a nih chuan khawtlang hruaitute hrilh turin a chah a. Farkawn Police pawhin dan leh hrai chungchangte sawiin raltlante chu India leh Mizoram dan anga awm hram hram tur leh ruihhlo leh a kaihhnawih chi hrang hrang lakah inhnamhnawih lo tura an chah bakah Myanmar leh India ram chu lirthei inphelh dan a in an loh avangin fimkhur taka lirthei khalh tur leh, a bik takin ke hnih nei khalh tan phei chuan Helmet khum ngei ngei turin a chah bawk a ni.
Inrinni khan Farkawn VLTF te chuan tanpuina an dawn atangin Thantlang khua a In kang chhungkaw 8 hnenah Rs. 5000 theuh an pek bakah raltlan zinga harsa zual chhungkaw 8 hnenah Rs. 1500 theuh an pe bawk a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More