Zofa Global Network, Champhai Chapter chuan Myanmar raltlante tanpuina an sem chhuak.
Zofa Global Network (ZGN) Champhai Chapter chuan nimin khan Champhaia raltlan awm khawm tamna hmun 5-ah tanpuina hi an sem chhuak a. Buhfai Ip 12, Dal leh Alu Ip 6 ve ve an sem chhuak a ni. ZGN Champhai Chapter hian Champhaia Cable TV pahnih CCN leh LCN Zokhawpui nena tangkawpin raltlante tanpuina turin vehbur an lo khawn tawh a. Heta an sum hmuh atanga Cheng Nuai 3 chu YMA Sub Hqrs Champhai kutah an lo hlan tawh bawk a ni.
ZGN Champhai Chapter hian Champhai chu Myanmar atanga Zohnahthlak unau raltlan te luhka ber pakhat a nih avangin an tih theih tawk tam lo mah se, a thei ang anga raltlante tanpui hi kalpui chhunzawm zel an tum tih an sawi.
Comments are closed.