Nimin zing khan Martarte hriatrengna lungphun, CHANEM tualah, Champhai North & South Block MNF huaihawtin Martar-te Ni urhsun taka hman a ni.
He ni puala hun hmanah hian MNF Champhai South Block President R.Thangseia chuan Martar Day vawi- 42-na hmang tur a kalkhawm zawng zawngte chibai a buk a. Kum 1966 March Ni 1 ah Mizoram zalenna tluantling duhin movement ropui tak
kalpui a nih thu sawiin, kha mi ni atang khan Mizoram chu ram buaiah puan a nih thu a sawi a. Hnam movement kalpui a ni a, nu leh pa, thalai tam takin kha movement kha
zawmin chhim leh hmar, chhak leh thlangah buaina Mizoram-in a tawk a, chu movement kal zelah chuan zalenna tluantling Mizoram-in a neihna turin rammute leh khawtlangah mipui tam takin nunna an chan tih a sawi a.
Martar-te inpekna hlutzia leh thangtharte’n an hniak hnung zui a, Mizoram tan an theihtawp chhuah tura a duh thu a sawi bawk. Ram dangahnar hmai tiat lek pawh ka ram
tih tur kan nei lo va, chuvang chuan theihtawp chhuah a “Pathian leh kan ram tan” ti a nghet taka ding zel turin kalkhawmte a chah bawk.
Kum dang angin he ni pual hian hun hman theih ni lo mah se sawrkar dan dinglai zawm chunga hun hman a ni a. MNF Champhai North & South Block hruaitu te, Martar chhung te, Ex-MNA-te leh PAMRA-te nen hman ho a ni a. Martar-te zahna leh hriatreng nan Martar te hraitrengna lungphunah hian pangpar an dah a ni.
MNF Champhai North Block-I President HS Vanlalfakzuala chuan Martar te hriatrengna lungphun chei that chungchang report a pe a. Champhai North bialtu MLA Dr. ZR. Thiamsanga leh Champhai South bialtu MLA, TJ Lalnuntluanga te chuan Cheng 1,50,000 ve ve an thawh hmangin chei that a ni a. A hungna leh a chung khuhna siamin rawng hnawih that vek a ni a, a cheithat nannCheng 2,27,420 hman a ni.
A hmunhma hi vantlang tan a tangkai zawk nan siam rem a ni bawk. Sum hman bang hi Diamond Jubilee leh Golden Jubilee lung sawnna atan hman leh tur a ni.
Comments are closed.