Nimina Champhai District NGO Co-Ornidation Committee thukhawm chuan, Champhai District mipui te rambuai anga min tiraltitu Assam Riffle duty post leh Police Check post chu titawp tura hmalak ni se, an ti.
Champhai District NGO Co-Ornidation Committee hi an pawl Senior Vice President Zirmawia Ralte kaihhruaiin a chenna In, Champhai Venglai-ah nimin khan an thukhawm a. Chief Minister leh Minister dang Champhai-a lo kal tur hnenah Champhai-in a mamawh hrang hrangte lo thlen ni se tiin an rel a. CM lo kal tur chu Municipal Council din leh Court Building tur chungchang sawipui ni se an ti.
Champhai District mipui te rambuai ang a tiraltitu – Assam Rifle leh Police Check Gate Post chu dahbo tura hma lak ni se an ti a. Assam Rifle post tihtawp chungchang hi Prime Minister Office, Union Home Minster, Chief Minister, State Home Minister leh Chief Secretary-ahte thlen ni se an tih bakah, Police Check Post thiah chungchang hi Chief Minister leh Home Ministry-ahte thlen ni se, an ti a. Heng kawng hrang hranga an beiseinaah te hian hmalakna a awm lo a nih chuan Law Court-a kal tura hmalak ni se tiin an rel bawk.
March ni 31-ah Press Meet neih ni se, NGO-CC hmalakna hrang hrang – Municipal Council, NH-6, Master Plan leh Keilungliah khuah mekte chu mipui hrilhfiah leh zirtir ni se tiin an rel a. Non-Mizo Mistiri-te chu Thekaa chhawr loin, ni tin rate siam turin VC tin ngen ni se tih an rel bawk.
Comments are closed.