RAN LAKLUH ENDIKNA HMUN TUR EN

Get real time updates directly on you device, subscribe now.

Indo-Myanmar Border Trade Point, Zokhawtharah Myanmar atanga ran lakluh endikna hmun bun tur chu nimin khan AH & Vety Director Dr Lalremliana chuan a tlawh.
Trade & Commerce Department kaltlangin Indo Myanmar Border Trade Point, Zokhawthar chu tih changtlunna tur sum ruahman a ni a. Department hrang hrangin hma an lakna turah nimin khan AH & Vety Dept Director Dr Lalremliana chuan an department chana hmalakna tur, Zokhawthara Vety Dispensary leh laboratory bunna hmun turte a enfiah a. Ram dang atanga ran lakluh kawngah natna laka himna chu ngaih pawimawh a tul a. Dispensary leh laboratory te chuan hemi kawngah hian a puih a beisei tih a sawi. Director hian Melbuk khuaa Vety checkgate siamna tur pawh a tlawh nghal a ni.
Director hian ASF leng kaihhnawihah vawiin hian Farkawn khua tlawhin, hemi chungchang hi vawk vulhtute leh khawtlang hruaitute a sawipui nghal dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More