RAN NATNA HRI DANG LENG THAR

Get real time updates directly on you device, subscribe now.

Thla hmasa October thla tawp lam atang khan Khuangleng leh a chheh velah Ran ke leh ka na hri chu Sialin a vei tan a, AH&Vety Dept Champhai hriattir an nih hnuah an sample-te lain endik a ni a, Sample te hi Disease Investigation Laboratory, Aizawlah thawn mek niin a result ngaih chan mek a ni.
Khuangleng Sial Vulh Association-te chuan ram hnuaiah ran damlo te hi zawng kualin hri vei nia rinhlelhte chu huang hranah khungin an dah hrang nghal zel a ni. AH&Vety Dept chhinchhiah danin Khuangleng leh a chheh velah he natna hri hi Sial 34 in kai tawhin 2 an thi tawh a, Ran hri hi Myanmar ram Tiau Lui depa awm khuaah te lengin ran in tlat pawlh atanga kai an nih rin a ni.
AH&Vety Dept hotute chuan Ran ke leh ka na hri hi Sawrkarin kum 2030-ah chuan umbo tawh turin hma la mek a, tun hnaiah he hri hi Mizoramah a awm mang tawh lo niin an sawi a. Hri danna hi kumtin tum hnih pek thin a ni a, kuminah erawh hridanna hi Central lam atanga an dawn theih loh avangin la pek loh a ni a.
Hridanna hi an dawn hun hunah pe chhuak turin an inkau reng tih an sawi bawk.
DVO, Champhai Dr. B Zonghinga chuan ran hri leng hi Bawng, Sial, Lawi, Kel leh Vawk te’n an kai thei tih sawiin a veite chu an keh leh ka te panin an chil thli a tla thin a, hetiang natna vei nia rinhlelhte chu a rang thei ang bera AH&Vety Dept-a report vat turin mipui a ngen.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More