RAWN KAL LO TURIN HRIATTIR

Get real time updates directly on you device, subscribe now.

Champhai Excise & Narcotics Dept leh YMA Sub-Hqrs Champhai chuan tunlai hian Champhai leh a chheh vela ruihhlo do beihpui an thlak mek a, ruihhlo a inhnamhnawih mi 11 te chu enkawlna hmunah an dahlut tawh.
An thuchhuaha an tarlan danin, tunlai hian Champhai khawpui chhungah ruihhlo a hluar hle tih hriat a ni a. Excise & Narcotics Department Champhai leh YMA Sub-Hqrs YMA Champhai hnuaia Anti-Drugs Squad thawkho chuan, vai chhuah beihpui an thlak mek a, tunhnai ni thum chhung lekin ruihhlo ti thin leh a zuar mi 10 chu Home-ah an dahlut tawh a, kumtling lo pakhat chu Juvenile Justice Board (JJB) ah an thawn tawh bawk.
Excise & Narcotics hotute chuan, Champhai khawpui leh District chhung a Drugs zuar, vawrh thin leh a ngawlvei te chu an chin dan tha lo bansan tura ngenin, ti lui an hmuh te chu an man zel dawn a. Khaw pawn leh District dang atang a ruihhlo rawn beisei te pawh rawn kal tawh lo turin an hriattir nghal bawk.
Zawhna chhangin Excise Asst Commissioner Vanlalvura Ralte chuan, tunlai hian ruihhlo man chu a hma aiin a zatve velin a tlahniam tawh tih a sawi

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More