REPUBLIC DAY BOYCOTT TURIN REL

Get real time updates directly on you device, subscribe now.

January ni 13 a Mizoram sorkarin officer lian a siksawi zinga tel ve Pi Maria CT Zuali transfer order sut tura Mizoram sorkar an ngen huntiam a tawp tak avangin vawiin hian Champhai a Tlawmngai Pawl hrang hrang te SYMA Office, Tlangrawtah an thukhawm.
Champhai NGO hrang hrang thukhawm chuan Champhai DC sawn chhuak lo tura Mizoram sorkar ni 14.1.2022 a ngenna chu vawiin thlenga tihhhlawhtlin a la ni lo hi pawi an ti takzet a.
Sawrkarin an thil phut vawiin thlenga a la tihhlawhtlin loh avangin hmalak zel dan tur hetiang hian ruahmanna siam a ni.
Ni 21.1.2022-ah Champhai khawpui chhunga dawr zawng zawng khar in Ni 24.1.2022-ah kawngzawh huaihawt an tum a. Ni 25.1.2022 ah sorkar pisa zawng zawng khar in Ni 26.1.2022-ah total bandh huaihawt bakah Republic Day boycott an tum a.
Sorkar an thil ngiatte hi Champhai District mipui tan a ni tih hriaa hma lakpui turin Champhai District chhunga MLA te an phut a.
Hetianga hma lak ani chung pawha Champhai DC Transfer order hi sut a la nih loh chuan na zawka hmalak zel an tum thu an thuchhuah chuan an tarlang.
An thuchhuah chuan an hmalakna hi DC Transfer ngawr ngawr ni lovin dan lova thil titute leh dikna duh tute indona a nih avang leh dik lo taka sumdawngtute kuta khawtlang, ram leh hnam tlu lut mek chhanchhuahna tur a ni tih sawiin Champhai District mipuite leh Mizo mipui zawng zawngte an hmalakna thlawp vek turin min sawm bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More