Nimin chawhnu khan Republic Day Celebration Committee chu Addl. DC, R. Lalnghakliana hoin Champhai DC Conference Hall-ah kumin Republic Day lawm dan tur relin an thukhawm.
Republic Day 2021 chu Covid-19 hripui leng vangin kum dang anga ropui taka lawm theih ni dawn lo mah se, sawrkarin ruahmanna a duan zul zuia lawmna hun buatsaih tha a ti a. Champhai District-a a lawmna pui ber tur atan DC chenna – Jericho Garden, Keifangtlang chu thlan niin, Khual lian atan District Bawrhsap, Maria CT Zuali chu ruat a ni a. A lawmna hun hi zing dar 8 atanga hman tan tur a ni ang.
Kum dang ang lo takin kumin Republic Day lawmna hunah hian Parade Contingent leh Pipe Band-te an awm dawn lo a. Police-te erawh chu Khual lian chhawna hnam puanzar chibai buk turin an intlar thung ang a. Faina hapta 2020 hman zawh taka Champhai khawpui chhunga intihsiakna category hrang hrang result puan leh lawmman hlanna nghal tur a ni a. He hunah hian Dept. tina a hotu berte leh fai inelna lawmman dawng turte chauh tel tur a ni a, CCN leh LCN-te chuan mipui thlir theih turin Live Telecast hmangin Cable TV-ah pechhuak tura beisei an ni bawk.
Comments are closed.