REVENUE DEPARTMENT TEN WRC HUAMCHHUNG AN TEH LUNGAWITHLAK TI LO

0

Get real time updates directly on you device, subscribe now.

Nimin a Champhai DC hova Tlawmngai Pawl hrang hrang leh Champhai Nature Conservancy te thukhawm chuan Revenue Department-in Champhai zawla WRC huamchhung an teh that chu lungawithlak loh an tih thu an sawi.
Nimin khan Champhai DC hovin DC Conference Hall-ah Champhai Tlawmngai Pawl hrang hrang, Champhai Nature Conservancy leh Revenue Department aiawh te chu The Mizoram Land Revenue Act, 2013′ Section 14-in Special Purposes and Economic Programmes atana Champhai zawla WRC Area humhalh a tum thu bawhzuiin a area zirchiangin an thukhawm a. Revenue Department-in WRC huam chin an teh that chu thlirho niin lungawithlak an tih loh avangin teh that leh nise thukhawm chuan an ti a, an teh that leh hnuah thlirho leh nise an tia ni. Champhai zawl humhim tur leh dan lova thil ti tute nekchep a an awm theihna turin theihtawp chhuah a tanrual nise an ti bawk.
Meeting-ah hian dan lova sumdawnna leh dan lova In leh Kudam sakin a tihchhiat mek chu chhan tlak ala awm thu tarlangin Champhai zawl mawina, thianghlimna leh hriselna tibawrhbang zawnga hmalakna awm reng reng te chu do tlat a ngaihthu sawilan ani bawk.
Meeting kaihruaitu Pi Maria CT Zuali chuan dan leh hrai palzut tumna a len tawh thu sawiin dan lova sumdawnna kan ngaihzam zel chuan kan vangtlang nun a chhe tawlh tawlh dawn a, lungrual taka kan tanho chuan Champhai khawpui nuam leh mawi, chenna tlakah kan la siam thei dawn ani, a ti.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More